Kirish A`zo bo`lish
Yurgen Klopp klubning yozgi transfer rejasi va Insinye borasida intervyu berdi
25 apr 2019, 22:55
1517

"Liverpul" bosh murabbiyi Yurgen Klopp ertaga bo‘ladiga "Haddersfild Taun"ga qarshi bahs oldidan jamoaning transfer rejalariga to‘xtalib o‘tdi. Xususan, "Napoli" yetakchisi Lorensio Insinye atrofidagi mish-mishlarga ham nemis mutaxassisi javob berdi.

"Biz Insinyeni sotib olishni rejalashtirmayapmiz. To‘g‘ri, u yaxshi futbolchi, biroq o‘ylashimcha, uning jamoasi bilan uzoq yillik shartnomasi mavjud, shunday ekan uni qo‘lga kiritish niyatimiz yo‘q. Bu transfer haqida aytadigan barcha gaplarim shu.

Transferlar odamlarni "vau yangi futbolchi" deyishlari uchun kerak emas, aksincha, u jamoani kuchaytira olishi lozim. Jamoani kuchaytirishning turli xil usullari bor va fikrimcha, buning eng yaxshi usuli mashg‘ulot qilish. Ammo agar sizga kerakli futbolchi bo‘lsa, albatta, shartnoma imzolash ham darkor.

Hozir jamoamiz ancha muvozanatga ega. Tabiiyki, bizning rejalarimiz omma e’tiboriga tushmasligi kerak. Yaqinlashib kelayotgan transfer oynasida jamoamiz eng katta xaridni amalga oshirishi mumkinmi? Yo‘q, katta ehtimol bilan yo‘q. Lekin "ha" deb javob bersam juda hayratlanarli gap bo‘lgan bo‘lardi", -
deya so‘zlarini yakunlaydi Klopp.

Manba: Sky Sports
  0 
Onlayn: 2 (0/2)
uzstat.net